s.k

Chal Qalam Ab Hamd E Rabb Maqsood Hai

Chal Qalam Ab Hamd E Rabb Maqsood Hai
Tera Mera Sab Ka Jo Ma'bood Hai

Hai Wahi Shahid Wahi Mash-hud Hai
meri dhadkan me ya nabi voice of shahid: https://youtu.be/pGADMClawNwNoor Uska Har Jagah Maujood hai

Usne Hi Humko Bakshe Hay Humko Mustafa
Ye Na Ho To Zindagi Be Sud Hai

Yu To Hai Quraa(n) Hidayat Ki Kitaab
Par Kisi Ka Tazkera Maksood Hai

Wad-duha Wash-shams Jiski Shaan Hai
Haan Wahi Ahmed Wahi Mehmood Hai

Unn Ka Charcha Har Jabaa(n) Par Hai Rawaa(n)
Unki Khushbu Har Jagah Maujood Hai

Azmat E Ahmad Me Jisko Hai Shuba
Haan Wahi Shaitaa(n) Wahi Mardood Hai

Aur Jo Karta Hai Unn Par Jaa(n) Fida
Wo Mubarak Hai Wahi Mas-ud Hai

Noor Ki Barsaat Hoti Hai Waha
Jis Jagah Par Mehfil E Maulood Hai

Padhte Rahiye Nazmi Naat E Mustafa
Haan Isi Me Rooh Ki Beh-bud Hai

Rusul Unhi Ka To Muzdah sunane Aaye Hai

Rusul Unhi Ka To Muzdah sunane Aaye Hai
Unhi Ke Aane Ki Khushiya Manane Aaye Hai

Firishte Aaj Jo Dhume Machane Aaye Hai
Unhi Ke Aane Ki Shadi Rachane Aaye Hai

Falak Ke Hur O Malak Geet Gaane Aaye Hai
Ki Do Jahan Me Ye Danke Bajane Aaye Hai

Ye Bhoole Bichdo Ko Raste Pe Laane Aaye Hai
Ye Bhoole Bhatko Ko Hadi Banane Aaye Hai

Chamak Se Apni Jahan Jagmagane Aaye Hai
Mahak Se Apni Ye Kunche Basane Aaye Hai

Naseem E Faiz Se Gunche Khilane Aaye Hai
Karam Ki Apni Bahaare Dikhane Aaye Hai

Yahi To Sote Huwo Ko Jagane Aaye Hai
Yahi To Rote Huwo Ko Hasane Aaye Hai

Unhe Khuda Ne Kiya Apne Milk Ka Maalik
Unhi Ke Qabze Me Rabb Ke Khazane Aaye Hai

Jo Chahenge Jise Chahenge Ye Use Denge
Kareem Hai Ye Khazane Lutane Aaye Hai

Rauf Aise Hai Ye Aur Raheem Hai Itne
Ki Girte Padto Ko Seene Lagane Aaye Hai

Sunoge "La" Na Zabaan E Kareem SeNoori
Ye Faiz O Jood Ke Dariya Bahane Aaye Hai

Khwaja E Hind Wo Darbaar Hai Aala Tera

Khwaja E Hind Wo Darbaar Hai Aala Tera
Kabhi Mehroom Nahi Maangne Waala Tera

Khuftgane Shabe Ghaflat Ko Jaga Deta Hai
Saalhasaal Wo Raato Ka Na Sona Tera

Hai Teri Zaat Ajab Bahre Haqeeqat Pyare
Kisi Tairaak Ne Paaya Na Kinara Tera

Gulshan E Hind Se Shadaab Kaleje Thande
Wah Ay Abre Karam Zor Barasna Tera

Kya Mahak Hai Ki Mu'attar Hai Dimaag E Aalam
Takhta E Gulshan E Firdaus Hai Rouza Tera

Tujhme Hai Tarbiyate Khizr Ke Paida Aasaar
Bahro Bar Me Hume Milta Hai Sahara Tera

Zille Haq Ghous Pe Hai Ghous Ka Saaya Tujh Par
Saaya Gustar Sare Khuddam Pe Saaya Tera

Tujhko Baghdad Se Haasil Hui Wo Shaan E Rafe'a
Dang Rah Jaate Hai Sab Dekh Ke Rutba Tera

Kyo Na Baghdad Me Jaari Ho Tera Chashma E Faiz
Bahre Baghdad Hi Ki Nahar Hai Dariya Tera

Jabse Tune Qadme Ghous Liya Hai Sarr Par
Awliyah Sar Pe Qadam Lete Hai Shaha Tera

Muhiyyudi(n) Ghous Hai Aur Khwaja Mueenuddi(n) Hai
Ay Hasan Kyu Na Ho Mehfooz Aqeeda Tera

Khila Mere Dil Ki Gali Ghous E Aazam

Khila Mere Dil Ki Gali Ghous E Aazam
Mita Qalb Ki Be Kali Ghous E Aazam

Mere Chand Mai Sadqe Aaja Idhar Bhi
Chamak Uthhe Dil Ki Gali Ghous E Aazam

Tere Rab Ne Maalik Kiya Tere Jad Ko
Tere Ghar Se Duniya Pali Ghous E Aazam

Wo Hai Kaun Aisa Nahi Jisne Paaya
Tere Darr Pe Duniya Dhali Ghous E Aazam

Kaha Jisne Ya Ghous Aghisni To Damm Me
Bar-Aayi Musibat Tali Ghous E Aazam

Nahi Koi Bhi Aisa Fariyadi Aaqa
Khabar Jiski Tumne Na Li Ghous E Aazam

Meri Rouzi Mujhko Ataa Kar De Aaqa
Tere Darr Se Duniya Ne Li Ghous E Aazam

Na Maangu Me Tujhse To Fir Kis Se Maangu
Kahi Aur Bhi Hai Chali Ghous E Aazam

Sadaa Gar Yaha Mai Na Du To Kaha Du
Koi Aur Bhi Hai Gali Ghous E Aazam

Jo Qismat Ho Meri Buri Achhi Kar De
Jo A'adat Ho Badd Kar Bhali Ghous E Aazam

Tera Martaba A'ala Kyo Ho Na Maula
Tu Hai Ibn E Maula Ali Ghous E Aazam

Qadam Gardan E Awliya Par Hai Tera
Hai Tu Rabb Ka Aisa Wali Ghous E Aazam

Jo Doobi Thi Kashti Wo Damm Me Nikali
Tujhe Aisi Qudrat Mili Ghous E Aazam

Hamara Bhi Beda Laga Do Kinare
Tumhe Nakhudayi Mili Ghous E Aazam

Tabahi Se Naav Hamari Bachaa Do
Hawa E Mukhalif Chali Ghous E Aazam

Fida Tumpe Ho Jaaye Noori E Muztar
Ye Hai Uski Khwaish Dili Ghous E Aazam

Bheeni Suhani Sub’h Mei Thandak Jigar Ki Hai

Bheeni Suhani Sub’h Mei Thandak Jigar Ki Hai
Kaliyaa(n) Khili Dilo Ki Hawa Ye Kidhar Ki Hai.

Khubti Huwi Nazar Mei Adaa Kis Sahar  Ki Hai
Chubhti Huwi Jigar mei Sadaa Kis Gajar Ki Hai.

Daaley Hari Hari Hai To  Baaley Bhari Bhari
Kishte Amal Pari Hai Ye Barish Kidhar Ki Hai.

Hum Jaye Aur Qadam Se Lipat Kar Haram Kahey
Sounpa  Khuda Ko Ye Azmat Kis Safar Ki Hai.

Hum Girdey Kaaba Phirte They Kal Tak Aur Aaj Wooh
Hum Par Nisaar Hai Ye Iradat Kidh’ar Ki Hai.

Kalik Jabee(n) Ki Sajdaaye Dar Se Chudaavogey
Mujh Ko Bhi Le Chalo Ye Tamanna Hajar Ki Hai.

Dooba Huwa Hai Shouq Mei Zam Zam Aur Aankh se
Jhaale Baras Rahey Hai Ye Hasrat Kidhar Ki Hai.

Barsa Ke Jaane Walo Pa Ghouhar Karu Nisaar
Abrey Karam Se Arz Ye Mizaabey Zar Ki Hai.

Aagooshe Shouq Kholey Hai Jin Ke Liye Hateem
Woh Phir Ke Dekhte Nahi Ye Dhun Kidhar Ki Hai.

Haa’n Haa’n Rahey Madina Hai Ghafil Zara Tu Jaag
Wo Paav Rakhne Waley Ye Jaa Chashmo Sar Ki Hai.

Waaru Qadam Qadam Pa Kay  Har Dam Hai Jaane Nao
Ye Raahey Jaa(n) Fiza Mere Moula Ke Dar Ki Hai.

Ghadiya Gini Hai Barso Ke Ye Shubh Ghadi Phiri
MarMar Ke Phir Ye Sil Mere Seene Se Sar Ki Hai.

Allaho Akbar Apne Qadam Aur Ye Khaakey Pak
Hasrat Malai’ka  Ko Jahaan Waz’ye Sar Ki Hai.

Mea’raj Ka Sama Hai Kaha Pahonchey Zae’roo
Kursi Se Onchi Kursi Usi Pak Ghar Ki Hai.

Ushhaq Rouza Sajdey Mei Suye Haram Jhukey
Allah Jaanta Hai Ke Niyyat Kidhar Ki Hai.

Ye Ghar Ye Dar Hai Uska Jo Ghar Dar Se Paak Hai
Muzhdah Ho Be-Gharo Kay Salaa Achchey Ghar Ki Hai.

Mehboobe Rabbe Arsh Hai Is Sabz Qubba Mei
Pahlu Mei Jalwa Gah Ateeqo Umar Ki Hai.

Chaye Malaika Hai Lagaatar Hai Durood
Badley Hai Pahrey Badli Mei Barish Durar Ki Hai

Sa’dayn Ka Qiraan Hai Pahluye Maah Mei
Jhurmut Kiye Hai Taarey Tajalli Qamar Ki Hai.

Sattar Hazaar Subh Mei Sattar Hazaar Shaam
Yun Bandagiye Zulfo Rukh Aatho Pahar Ki Hai.

Jo Ek Baar Aye Dobara Na Ayenge
Rukhsat  Hi  Bargah Se Bas Is Qadar Ki Hai.

Tadpa Karey Badal Ke Phir Aana Kaha Naseeb
Bey Hukm Kab Majaal  Parinde ko Par ki Hai.

Ay Waye Beikasiye Tammana Ke Ab Ummeed
Din Ko Na Shaam Ki Hai Na Shab Ko Sahar Ki Hai

Ye Badliya(n) Na ho To Karooro(n) ki Aas Jaye
Aur Bargaahe  Marhamate Aaam Tar Ki Hai.

Masoom Ko Hai Umr Mei Sirf Ek Bar Bar
Aasi Padey Rahe To Sila Umr Bhar Ki Hai.

Zinda Rahe To Haazriye Baargaah Naseeb
Mar Jaye To Hayaate Abad Aysh Ghar Ki Hai.

Moflis Aur Aisey Dar Se Phirey Be-Ghani Huve
Chandi Har Ek Tarah To Yaha Gadiya Gar Ki Hai.

Jaana Pe Takiya Khaak Nihali Hai Dil Nihaal
Han Be-Nawa’o Khoob Ye Sorat Guzar Ki Hai.

Hai Chatro Takht Saya-e Dewaaro Khaake Dar
Shaho Ko Kab Naseeb Ye Dhaj Karro Far Ki Hai.

Iss Paak Ku Mei Khaak Ye Basar Sar-Ba-Khaak Hai,
Samjhe Hai Kuch Yahi Jo Haqiqat Basar Ki Hai.

Kyo Taajdaaro! Khwaab Mei Dheki Kabi Ye Shai
Jo Aaj Jholiyo mei  Gadhayaane Dar Ki Hai.

Jaaru-kasho Mei  Chehre Likhey Hai Mulook Ke
Wo Bhi Kaha Naseeb Faqat Naam Bhar Ki Hai.

Taiba Mei Mar Ke Thande Chaley Jaav Aankhey Bandh
Seedhi Sadak Ye Shahre  Shafa’t Nagar Ki Hai.

Aasi Bhi Hai Chahitey Ye Taiba Hai Zahido!
Makka Nahi Ke Jaanch Jaha Khair O Shar Ki Hai.

Shaane Jamaal Taiba Jana Hai Naf’a Mahaz
Wus’at Jalale Makka Mei Soodo Zar Ki Hai.

Kaba Hai Beshak Anjum-Aara Dulhan Magar
Saari Bahar Dhulhano Mei Dulha Ke Ghar Ki Hai.

Kaba Dhulhan Hai Turbate At-har Nayi Dulhan
Ye Rashk E Aftaab Wo Gairat Qamar Ki Hai.

Dono Bani Sajeeli Aneeli Bani Magar
Jo Pe’ Ke Paas Hai Wo Suhagan Kun’war Ki Hai.

Sar Sabze Wasl Ye Hai Siyaa Poshey Hijr Wo
Chamki Dupatto Se Hai Jo Haalat Jigar Ki Hai.

Ma Wo Shuma To Kya Ke Khaleel E Jaleel Ko
Kal Dhekna Ki Unse Tamanna Nazar Ki Hai.

Apna Sharaf Dua Se Hai Baaki Raha Kabool
Ye Jaane Unke Haath Mei Kunji Asar Ki Hai.

Jo Chahey Unse Maang Ki Dono Jahaa’n Ki Khair
Zar Na-Khareeda Ek Kaneez Unke Ghar Ki Hai.

Roomi Ghulam Din Habshi Baandiya(n) Shab’e
Ginti Kaneez Zaado Mei Shaamo Sahar Ki Hai.

Itna Ajab Bulandiye Jannat Pe Kisliye
Dekha Nahi Ke Bheek Ye Kis Unchey Ghar Ki Hai.

Arshe Bari Pe Kyo Na Ho Firdous Ka Dimaagh
Utri Huvi Shabeeh Tere Baamo Dar Ki Hai.

Wo Khuld Jismei Utregi Abrar Ki Baraat
Adna Nichawar Uss Mere Dulha Ke Sar Ki Hai.

Amber Zamee(n), Abeer Huwa Mushke-Tar Gubaar
Adna Si Ye Shanaakhat  Teri Rahguzar Ki Hai.

Sarkaar Hum Gawaro Mei Tarze Adab Kaha
Humko To Bas Tameez Yahi Bheek Bhar Ki Hai.

Maangenge Maange Jayenge Muh Maangi Payenge
Sarkar Mei Na LAA Hai Na Hajat Agar Ki Hai.

Uff Be-Hayayi’aa Ke Ye Muh Aur Tere Huzoor
Ha Tu Kareem Hai Teri Khu’ Dar Guzar Ki Hai.

Tujh Se Chupau Muh To Karu Kiske Saamne 
Kya Aur Bhi Kisi Se Tawaqqo Nazar Ki Hai.

Jaavu Kaha Pukaru Kisey Kiska Muh Taku
Kia Pursish Aur Ja’ Bhi Sagey Be-Hunar Ki Hai.

Baab E At’a To Ye Hai Jo Bahka Idhar Udhar
Kaisi Kharaabi Uss Nagharey Dar-Ba-Dar Ki Hai.

Aabad Ek Dar Hai Tera Aur Tere Siwa
Jo Baargah Dekhiye Ghairat Khandar ki Hai.

Lub Wa Hai Aankhey Bandh Hai Phayli Hai Jholiya
Kitne Maaze Ki Bheek Tere Paak Dar Ki Hai.

Ghera Andheriyo Ne Duh’ee Hai Chand Ki
Tanha Hu Kaali Raat Hai Manzil Khatar Ki Hai.

Kismat Mei Laakh Pech Ho Sau Bal Hazaar Kaj
Ye Saari Ghutthi Ik Teri Seedhi Nazar Ki Hai.

Aisi Bandhi Naseeb Khule Mushkiley Khuli
Dono Jaha Mei Dhoom Tumhari Kamar Ki Hai.

Jannat Na Dey Na Dey Teri Ruyat Ho Khair Se
Is Ghul Ke Aagey Kisko Hawas Bargho Bar Ki Hai.

Sharbat Na Dey Na Dey To Karey Baat Lutf Se
Ye Shahad Ho To Phir Kise Parwa Shakar Ki Hai.

Mai khana-Zaad Kohna Hu Surat Likhi Huwi 
Bando Kaneezo Mei Mere Madar Pedar Ki Hai.

Mangta Ka Haath Uth-te Hi Daata Ki Dayn Thi
Doori Qubool O Arz Mei Bas Haath Bhar Ki Hai.

Sanki Wo Dekh Baad’e Shafat Ki De Hawa
Ye Aabru Raza Tere Damaan e Tar ki Hai

Munawwar Meri Aankho Ko Mere Shamshudduha Kar De

Munawwar Meri Aankho Ko Mere Shamshudduha Kar De
Ghamo Ko Dhoop Me Wo Saayae Zulfe Dota Kar De

Jahaan Bani Ataa Kar De Bhari Jannat Hiba Kar De
Nabi Mukhtare Qul Hai Jiss Ko Jo Chahe Ataa Kar De

Jahan Me Unki Chalti Hai Wo Dam-me Kya Se Kya Kar De
Jameen Ko Aasmaa Kar De Suraiya Ko Sara Kar De

Fazaa Me Udne Waale Yu Na Itraye Nida Kar De
Wo Jab Chahe Jise Chahe Usme Farma Rawa Kar De

Meri Mushkil Ko Yu Aasaa Mere Muskil Kusha Kar De
Har Aik Mauje Balaa Ko Mere Maula Nakhuda Kar De

Ataa Ho Bekhudi Mujhko Khudi Meri Hawa Kar De
Mujhe Yu Apni Ulfat Me Mere Maula Fanaa Kar De

Jahaan Me Aam Paighame Shahe Ahmad Raza Kar De
Palat Kar Peeche Dekhe Fir Se Tajdeede Wafa Kar De

Nabi Se Jo Ho Begana Use Dil Se Juda Kar De
Pidar Madar Biradar Maalo Jaan Un Par Fida Kar De

Kisi ko Wo Hasaate Hain Kisi Ko Wo Rulaate Hain
Wo Yu Hi Aazmate Hain Wo Ab To Faisla Kar De

Gile Taibah Me Mil Jau Gulome Milke Khiljau
Hayaate Jaavedaani Se Mujhe Yu Aashna Kar De

Mujhe Kya Fikr Ho Akhtar Mere Yaawar Hain Wo Yaawar
Balao Ko Meri Jo Khud Giraftare Balaa Kar De

Ajab Rang Par Hain Bahaar E Madina

Ajab Rang Par Hain Bahaar E Madina
Ke Sab Jannatein Hain Nisaar E Madina

Sarkaar Ka Madina Sarkaar Ka Madina
Sarkaar Ka Madina Sarkaar Ka Madina 

Khula Hain Sabhi Ke Liye Baab E Rehmat
Wahan Koi Rutbe Mein Adna Na Aali
Muraadon Se Daaman Nahi Koi Khaali
Qitare Lagaye Khade Hai Suwaali

Main Pehle Pehel Jab Madine Gaya Tha
To Thi Dil Ki Haalat Tadap Jaane Wali
Wo Darbaar Sach Much Mere Saamne Tha
Abhi Tak Tasavvur Tha Jiska Khayali

Main Ek Haath Se Dil Sambhale Hue Tha
To Thi Dusre Haath Me Thi Unki Jaali
Dua Ke Liye Haath Uthte To Kaise
Na Ye Haath Khaali Na Wo Haath Khaali

Madina Madina Humara Madina
Hume Jaan O Dil Se Hai Pyara Madina
Suhana Suhana Dilara Madina
Har Aashiq Ki Aankhon Ka Taara Madina

Pahado Pe Bhi Husn, Kaante Bhi Dilkush
Hain Qudrat Ne Kaise Sawaara(n) Madina
Khuda Gar Qayamat Mein Farmaye Maango
Lagayenge Deewane Naara Madina

Rage Ghul Ki Jab Naazuki Dekhta Hu
Mujhe Yaad Aate Hain Khaar E Madina
Mubarak Rahe Andalibo Tumhe Gull
Hume Gull Se Behtar Hain Kahaar E Madina

Rahe Unke Jalwe Base Unke Jalwe
Mera Dil Bane Yaadgaar E Madina
Murad E Dil Bul Bule Be Nawade
Khudaya Dikha De Bahaar E Madina

Ay Deen E Haq Ke Rehbar Tum Par Salaam Har Dam

Ay Deen E Haq Ke Rehbar Tum Par Salaam Har Dam
Mere Shafe'a E Mehshar, Tum Par Salaam Har Dam

Iss Be-kaso Azee Par Jo Kuch Guzar Rahi Hain
Zaahir Hai Sab Wo Tum Par Tum Par Salaam Har Dam

Banda Tumhare Darr Ka Aafat Me Mubtala Hain
Rehme Habeeb E Daawar, Tum Par Salaam Har Dam

Lillah Ab Hamari Fariyad Ko Pohachiye
Be-had Hai Haal Abtar, Tum Par Salaam Har Dam

Koyi Nahi Hai Mera, Main Kiske Daad Chahoon
Sultaan E Banda Parwar, Tum Par Salaam Har Dam

Bulwa Ke Apne Darr Par Ab Mujhko Dijiye Izzat
Phirta Hu Khwar Darr Darr, Tum Par Salaam Har Dam

Mohtaaj Se Tumhare Karte Hain Sab Kinara
Bas Ik Tumhi Ho Yaavar, Tum Par Salaam Har Dam

Apne Gada E Darr Ki Lijiye Khabar Khudara
Kijiye Karam Hasan Par, Tum Par Salaam Har Dam

Tumhare Sajde Ko Kaaba Salaam Kehta Hai

Tumhare Sajde Ko Kaaba Salaam Kehta Hai
Jalaal e quba e khazra salaam kehta hai.

Chaman Ka Harr Gul O Guncha Salaam Kehta Hai
Hussain Tum Ko Zamana Salaam Kehta Hai

Charaag Wa Masjid Wa Mimbar Salaam Kehte Hain
Nabi Rasool Payamber Salaam Kehte Hain

Ali Wa Fatima Shabbar Salaam Kehte Hain
Khuda Gawaah Ho Ke Nana Salaam Kehte Hai

Khuda Ki Raah Me Sarr Ko Kata Diya Tumne
Nabi Ke Deen Pe Ghar Ko Luta Diya Tumne

Nishaan E Kufr Ko Yaksar Mita Diya Tumne
Tumhe Khuda Bhi Tumhara Salaam Kehta Hai

Tumhein Falak Ke Sitaare Salaam Kehte Hain
Tumhein Quraan Ke Paare Salaam Kehte Hain

Tumhein Haram Ke Minaare Salaam Kehte Hain
Imaam Tum Ko Madina Salaam Kehta Hai

Sana Tumhari Wazeefa Hai Mera Aaba-i
Tumhari Mad-h To Shewa Hai Mera Maulai

Bas Ek Nazar Ho Jo Mujh Par To Meri Ban Aayi
Tumhara Sayyid Shaida Salaam Kehta Hai

Lou Madine Ki Tajalli Se Lagaye Huye Hain

Lou Madine Ki Tajalli Se Lagaye Huye Hain
Dil Ko Hum Matla E Anwaar Banaye Huye Hain

Kashtiya Apni Kinaare Se Lagaye Huye Hain
Wo Kya Doobe Jo Muhammad Ki Tiraye Huye Hain

Sharm E Isyaan Se Nahi Saamne Jaaya Jaata
Ye Bhi Kya Kam Hai Tere Shehar Mein Aaye Huye Hain

Ik Jhalak Aaj Dikha Ghumbad E Khazra Ke Makee
Kuch Bhi Hain Door Se Deedar Ko Aaye Huye Hain

Qabr Ki Neend Se Uthna Koyi Aasaan Na Tha
Hum To Mehshar Mein Unhe Dekhne Aaye Huye Hain

Naam Aate Hi Abu Bakro Umar Ka Lab Par
Kyu Bigadta Hai Wo Pehlu Mein Sulaye Huye Hain

Haazir O Naazir O Noor O Bashar O Ghaib Ko Chor
Shukr Kar Wo Tere Aybo Ko Chupaye Huye Hain

Kyu Na Palla Tere A'amal Ka Bhari HoNaseer
Ab To Meezan Pe Sarkaar Bhi Aaye Huye Hain

faslon ko khudara mitado

Faaslo Ko Khudara Mitaa Do
Rukh Se Parda Ab Apne Hata Do
Apna Jalwa Isi Main Dikha Do
Jaaliyo Par Nigahein Jamee Hain

Ghous Ul Azam Ho Ghous Ul Waraa Ho
Noor Ho Noor E Salle Ala Ho
Kya Bayaa(n) Aapka Martaba Ho
Dastagheer Aur Mushkil Kusha Ho
Aaj Deedar Apna Kara Do
Jaaliyo Par Nigahein Jamee Hain

Wajd Main Aayega Saara A'alam
Jab Pukarenge Ya Ghous E Azam
Wo Nikal Aayenge Jaaliyo Se
Aur Qadmo Mein Girr Jayenge Hum
Phir Kahenge Ke Bigri Bana Do
Jaaliyo Par Nigahein Jamee Hain

Shiddat E Ghum Se Ghabhra Gaya Hu
Ab To Jeene Se Tang Aa Gaya Hu
Har Taraf Aapko Dhundhta Hu
Har Ek Ek Se Ye Poochta Hu
Koyi Paigham Ho To Bata Do
Jaaliyo Par Nigahein Jamee Hain

Ek Mujrim Siyah Kaar Hu Main
Har Khata Ka Sazawar Hu Main
Mere Chaaron Taraf Hai Andhera
Roshni Ka Talabghar Hu Main
Ek Diya He Samajh Ke Jala Do
Jaaliyo Par Nigahein Jamee Hain

Sunn Rahe Hai Wo Fariyad Meri
Khaaq Hogi Na Barbaad Meri
Main Kahi Bhi Maru Shah E Jeela(n)
Rooh Pohchegi Baghdad Meri
Mujhko Parwaaz Ke Parr Laga Do
Jaaliyo Par Nigahein Jamee Hain

Fiqr Dekho Khayalat Dekho
Ye Aqeedat Ye Jazbaat Dekho
Main Hu Kya Meri Auqaat Dekho
Saamne Kaisi Hai Zaat Dekho
Apne Sarr Ko Adeeb Ab Jhuka Do
Jaaliyo Par Nigahein Jamee Hain

waqt waqt ki baat